'கோபத்தைக் கட்டுப்படுத்த வழி சொல்லுங்கள்,''என ஒரு ஞானியிடம் ஒருவர் கேட்டார்.ஞானி சொன்னார்,''ஒன்றை நன்றாகப் புரிந்து கொள்ளுங்கள்.உங்களின் தர்க்கத்திற்கு அப்பாற்பட்டு நீங்கள் கோபப்படுவதில்லை இக்கோபத்தினால் நான் எதையாவது இழந்து விடுவேனோ,எனக்கு இது சாதகமா,பாதகமா என்று ஆராய்ந்து கொண்டே இருக்கிறீர்கள்.நீங்கள் கோபப்படுவது உங்களுக்கு பாதகத்தைத் தரும் என்று கருதினால்,அந்தச் சூழல் அவமானம் தருவதாய் இருந்தால் கூட சிறு தடுமாற்றத்துடன் அமைதியாகி விடுகிறீர்கள்.கோபப்படுவதால் எந்த பாதகமும் வராது என்று தெரிந்தால்,அந்தச் சூழலில் யாராவது சாதாரணமாக நம்மைப் பேசினால் கூட கோபம் பொங்குகிறது.எனவே உங்கள் கோபம் உங்கள் தர்க்கம் சம்பந்தப்பட்டது.உங்கள் தர்க்கத்தை சரி செய்யுங்கள்.உங்கள் கோபம் தன்னால் சரியாகும்.