ராஜா பர்த்ருஹரி ஒரு நாள் இரவு திடீரென்று விழித்துக் கொண்டு விட்டார்.  பக்கத்தில் மனைவியைக் காணவில்லை.அரண்மனை நந்தவனத்தில்  வந்து பார்த்தார்.அங்கே குதிரைக்காரனோடு அவள் கூடிக் கொண்டிருந்தாள்.மறுநாள்,ராஜா பர்த்ருஹரி சந்நியாசி ஆகி விட்டார்.மனைவியிடம் விடை பெறப்போனார்.மனைவி சொன்னாள்,''எனக்கு மிக்க மகிழ்ச்சி!ஒரு மகாராஜாவை மகா ஞானியாக்கியது நான்தானே!''  ராஜா  பர்த்ருஹரி சொன்னார்,''நீயல்ல,குதிரைக்காரன்,''ராணி அலட்சியமாகப்  பார்த்து விட்டு உள்ளே போவதற்காகத் திரும்பினாள்.பத்ருஹரி சொன்னார்,''நில்!அவனை எப்போது ஞானியாக்கப் போகிறாய்?''
                                                                      --கண்ணதாசன்.