முல்லாவுக்கு ஒருவர் ஒரு பாட்டில் பிராந்தி கொடுத்தார்.முல்லாவும் அதை வாங்கிக் கொண்டார்.கொடுத்தவர் அதன்பின் தினமும் முல்லாவை வழியில் பார்த்தார்.அவர் அந்த பிராந்தியைப் பற்றி ஏதாவது சொல்வார் என்று எதிர் பார்த்தார்.ஆனால் முல்லா அதைப் பற்றி வாயைத் திறக்கவில்லை.ஒரு நன்றி கூடச் சொல்லவில்லை.அவரும் பொறுக்க முடியாமல் ஒருநாள் முல்லாவிடம்,''நான் கொடுத்த பிராந்தி எப்படி இருந்தது?''என்று கேட்டார்.முல்லாவும்,''நல்லாத்தான் இருந்தது,''என்று முகத்தில்  எந்தஉணர்ச்சியும் இல்லாமல்  கூறினார்.''நல்லாத்தான் இருந்தது என்று மொட்டையாகக் கூறினால் என்ன அர்த்தம்?''என்று கொடுத்தவர் கேட்க,முல்லா சொன்னார்,''எனக்கு நீங்கள் கொடுத்ததை விட சிறந்த பிராந்தியாக இருந்தால் அதை நீங்கள் எனக்குக் கொடுத்திருக்க மாட்டீர்கள்.இன்னும் கொஞ்சம் மோசமாக இருந்திருந்தால் நான் அதைக் குடிக்காமல் வேறு யாருக்காவது கொடுத்து இருப்பேன்.இரண்டும் இல்லாததால் நல்லாத்தான் இருந்தது என்று பொதுவாகச் சொன்னேன்.''