கிண்டலும் கேலியும் தமிழனுக்கு ஆகி வந்த கலை.ஒருவன் தற்கொலை செய்து கொள்ள விரும்பினானாம்.அதற்கு பல முயற்சிகள் செய்து பார்த்தும் பலன் ஏதும் இல்லை.அப்படி என்ன செய்தான் என்று கேட்கிறீர்களா?

 எள்ளுப்பொடி நல்லெண்ணெய் வச்சி 
இருபது தோசை தின்னு பார்த்தேன்.
அப்போதும் போகலியே
அரும்பாவி என்னுசிரு!

சிரட்டையிலே தண்ணி வச்சி 
சீவனை விட உள்ளே பாய்ஞ்சேன்.
அப்போதும் போகலியே
அரும்பாவி என்னுசிரு!

மோட்டுல கயித்தைப் போட்டு 
முத்தத்தில நின்னு பார்த்தேன்.
அப்போதும் போகலியே 
அரும்பாவி என்னுசிரு!

பஞ்சு மருகையிலே 
பல தடவை முட்டிப் பார்த்தேன்.
அப்போதும் போகலியே 
அரும்பாவி என்னுசிரு!.

அவன் முயற்சி வெற்றி பெற நாமும் வேண்டிக் கொள்வோம்.