ஒரு நாள் யசோதை தயிர் கடைந்து கொண்டிருந்தாள்.அதைக் கண்ணன் பார்த்துக் கொண்டு இருந்தான்.அப்போது வெண்ணை திரள்கிறது.அதைச் சாப்பிட கண்ணனுக்கு ஆசை.அம்மாவிடம் தெரியாதது போலக் கேட்கிறான் கண்ணன்,''அது என்ன அம்மா?''யசோதையும் விட்டுக் கொடுக்காமல்,''அது ஒரு பூதம்,''என்கிறாள்.'பூதம் என்ன செய்யும் அம்மா?''-இது கண்ணனின் அடுத்த கேள்வி.''அது நம்மைக் கடித்துத் தின்று  விடும்,''என்று பயமுறுத்துகிறாள் தாய். கண்ணன்,''அம்மா,அது உன்னைக் கடித்துத் தின்று விட்டால்,நான் அம்மாவுக்கு  எங்கே போவேன்?அப்பூதத்தை  என்னிடம் கொடு.நான் அதைக் கடித்துத் தின்று விடுகிறேன்,''என்று சொல்லியவாறே வெண்ணையை எடுத்து விழுங்கினான் கண்ணன்.