இப்போது
பூக்களுக்கு
இறக்கை முளைத்து விட்டது.
அதற்காக வண்டுகள் ஏன் வருத்தப்படுகின்றன.?
**********
பெற்றோரே!
பிள்ளைகளுக்கு

ஏணியாய் அல்ல....
இறக்கைகளாக இருங்கள்.
**********
வான் கோழிகளே  இங்கு
மயிலுக்கு சமமாய்
 மதிக்கப் படவில்லையே!
பின் ஏன்
பிராய்லர் கோழிகள்
பிரசிடென்ட் அவார்டு கேட்டுப் பிராண்டுகின்றன?
**********
மனைவியிடம்
மன்றாடுகிறான்
இப்படி....
அடுக்குமாடி தந்தும்,
கொடுக்கு மாதிரி கொட்டுகிறாயே!
அடுக்குமாடி இது உனக்கு?
**********
கட்டுக் கதை விட்டான்
காதலன்!
காதலிக்குத் தாஜ்மகால்
கட்டுவதாக.
''தாஜ்மகால்''பிறகு கட்டலாம்.
தாலியை உடனே கட்டு''
**********
நாலு பேர் சேர்ந்து
நடுத்தெருவில் சுமக்கும் நாள்
எல்லோருக்கும் வரும்.--அது
ஒரு முறைதான்!ஒரு முறைதான்!
குடித்தழியும்நான் கொண்ட
குடும்பமே நடுத்தெருவில்
எனைச்சுமந்து அழுவதுவோ
தினமும் தான்!தினமும்தான்!
**********
''நிரந்தரம் நோக்கி''என்ற கவிஞர் சட்டநாதன் மோகன்ராஜ் நூலிலிருந்து.