''கயிற்றின் நுனிக்கே வந்து விட்டீர்கள்.நுனியின் பிடியை விட்டு விழுந்தால் எலும்பு கூடக் கிடைப்பது கடினம்.அந்த நொடியில் நீங்கள் என்ன செய்வீர்கள்?'' என்று ஒருவர் கேட்க,''அடுத்த கயிற்றை முடிச்சுப் போடப் பார்ப்பேன்,''என்று நிதானமாகக் கூறினாராம்,ஆப்ரஹாம் லிங்கன்.எந்த சூழ் நிலையிலும் டென்ஷன் வசப்படாத அந்த நிதானம் தான் அவரை அமெரிக்க நாட்டின் தலைவராக்கியது.டென்ஷனைக் குறைக்கக் கடைப் பிடிக்க வேண்டியவை:
*கோப உணர்வுகளைத் திசை திருப்புங்கள்.
*எதையும் என்னால் சமாளிக்க முடியும் என்று துணிவு கொள்ளுங்கள்.
*அடுத்தடுத்து பிரச்சினைகள் உள்ளபோது அப்போதைக்கு எது  முக்கியமோ  அதைத் தேர்ந்தெடுங்கள்.
*தனிமையை உடைத்தெறிய முயற்சி செய்யுங்கள்.
*உங்களுக்குப் பிடித்த விளையாட்டினை அரை மணி நேரம் விளையாடுங்கள்.
*இசையில் விருப்பம் இருந்தால் இசையைக் கேளுங்கள்.சில நிமிடங்களில் மனது பஞ்சுபோல இலேசாகிவிடும்.